兩年前開始自立門戶，自家 Mobile 及 Web App 公司正式開業。
香港開公司同日本差唔多，就是老豆老母同打份工的朋友都覺得你冇錢開飯。客觀的事實就是，冇錢供樓交租，都很難在這裡生存。10 間有 9 間的公司，5 年內都是結業收場。
當時為了極速撲水救忙，就開始一邊狂接 projects，一邊自己做 product。當然日日都幻想同個客收完錢，就會有時間做 product 掛。實情係佢會逢星期一至五都會 call 爆你個電話。到星期六就當然會有工作要趕，好似 bugs 呀 (我就當然美化咗個名叫 "issue" ) ，另外有 project specifications 入面冇既 item 又因為係 grey area 入面，唔做又怕收唔到尾數順手做埋佢，總之就個 product plan 完全不記得。
冇法，吃飯要緊。
一開咗公司，就多咗好多人，想同你做下 partner，又話者要做 advisor 之類。
故事 #1，佢好有 marketing skill 又好似識好多人，總之你有個好既 product，佢就會揾 investors 或者 leads 俾你。你就係要揾地方 R 到錢或給公司股份回報佢。
故事 #2，佢好有 idea，總之就你間公司出時間人力物力，佢就負責 "business development"，去開下會呀 make 下 connections 之類，但係永遠係 50% 50% 股份，呢類「公就你贏，字你輸」既 startup 行騙手法，真係又見唔少。
要生存，就一定要有定位。你間公司要有技術，要有一定既 network 同 marketing 技巧。呢度要好強調「自己公司」呢 4 個字，core business 一定唔可以發夢 outsourece 俾人做。真係 "not in sight, not in mind"。
市場上，兩年前做 startup 最 hot 的就當然是一模一樣既 iOS 及 Android Apps 了。現在就多了好幾個出路:
- Hardware
5 年前，呢一條路，如果你唔係「廠佬」就想都不用想。自從有咗淘寶後，去大陸訂 electronic parts 可以今日下午 4 點落單，明天早上就收到。
可以做硬件產品，可以玩 Bluetooth，可以玩係曉飛既 drones。
- B2B / B2C
又係要多謝淘寶，等人知道網購都有得做。(無可避免，突然有好多新客話要「做一個淘寶」出來。) 有同化咗為同胞既朋友，會成日話「唉，香港网购唔够国内好」，只可以講，國内的政策，香港人都不要再發夢可以有份玩，你控制不了。
但是還可以 go global 的。手機購物又真是天方夜談? 香港網購真是沒有得做? HKTV 都是在玩的?
耐不耐就有 IT 人抱怨自己去到 35 歲都係揾兩萬幾，其實你有大把機會，係你未把握到。
